Bryony Lavery

Den britiske dramatikaren Bryony Lavery starta sin karriere i byrjinga av 1970-åra. Som dramatikar, instruktør, skodespelar og lærar i dramatikk har Lavery alltid gått sine eigne vegar og rørt seg mot straumen. Eit kjenneteikn for henne er den finstemde sansen hennar for humor og forståinga hennar for det genuint teatrale. Ho har blant anna skrive The dragon wakes, Madagascar og Down among the mini beast for barn. Ho har stått på scenen som Tinkerbell i Peter Pan, og ho har vore med i ei rad kabaretar, blant andre Floorshow med Caryl Churchill i 1977. Frå 1989 til 1992 underviste ho i dramatikk ved Birmingham University, og ho er æresdoktor ved Montfort University i Leicester.